Upcoming Events & Performances

We want you to join us this season and guarantee you will have the time of your life at our upcoming shows. Take a glance at our schedule, and be sure to get your tickets soon.

drostdy%2520stamp_edited_edited.png

Kersfees met Coenie

Friday, 3 December – SOLD OUT 

Saturday, 4 December - 19:00

Sunday, 5 December - 15:00

Boutique Teater

Ná byna twee jaar weg van die verhoog skuif Coenie de Villiers weer agter die klavier in vir 'n solo kragtoer van musiek en liriek. Die repertoire bestaan uit nuwe werk, ou treffers en 'n verrassing of twee.
"Dis wonderlik om weer te kan optree," sê Coenie. "Om dit in die hart van die Boland te kan doen, maak dit selfs meer spesiaal." Die program het 'n Kers-inslag vir die Feestyd wat voorlê.


Deon Meyer en Coenie de Villiers se nuwe boek, ONS KAROO, sal ook by die vertoning te koop wees.

Coenie de Villiers.JPG

beSTEMmings
Jannie, Susan Mouton, Chanie Jonker

10 Desember  2021 - 19:00

Upstage Lounge

Daar word ook ‘n wynproe aangebied deur Ken Forrester, wat by die kaartjieprys ingesluit is.

 

beSTEMmings 2021 – Jannie se vyf dekades met Afrikaanse musiek. Die omvattende titel waaronder Jannie sy halfeeu vier, is ook die naam van die verhoogproduksie wat hoogtepunte uit sy loopbaan as liedjiemaker en opnamekunstenaar saamvat. Die program word aangebied saam met sy gereelde ensemble van Susan Mouton (tjello) en Chanie Jonker (klavier en akkordeon) en die program bestaan uitsluitlik uit Afrikaanse liedjies wat Jannie êrens oor die afgelope vyf dekades opgeneem het: liedjies van Jannie en sy vriende. 

 

Jannie gee die gehoor ’n blik op die bestemmings waarheen sy musiekreis hom oor die afgelope halfeeu geneem het: van ’n dameskoshuis-sêrrie onder ons eie sterre tot by die Noorderligte oor Saskatoon, van die Pierneefteater in Pretoria tot ’n kitaarfees op die walle van die Volga. Die fisiese, maar ook die simboliese bestemmings is dikwels vergestalt in sy eie liriek, maar hy beSTEM in hierdie produksie ook die mymeringe van ander liedjieskrywers oor hulle hartsplekke en drome – soos wat hy dekades lank reeds doen. Met sy briljante begeleidende ensemble van Susan en Chanie  saam met sy kitaar, sorg Jannie danksy rype ervaring, besondere vokale vermoëns en ’n repertorium met baie wye verskeidenheid, vir ’n produksie waarin die emosies gedurig wipplank ry en artistieke integriteit die botoon voer. Geen enkele gehoorlid sal onaangeraak uit hierdie aanbieding kan stap nie. 

Kunstefees in die Kleine Stellenbosch.jpg

Bonjour Monsieur Brel
Jannie, Susan Mouton, Chanie Jonker

8 Desember  2021 - 19:00

Upstage Lounge

Daar word ook ‘n wynproe aangebied deur Ken Forrester, wat by die kaartjieprys ingesluit is.

 

In Bonjour Monsieur Brel word Jacques Brel se beeldryke tekste in vier tale gesing deur Jannie du Toit en begelei deur ’n musiekensemble van klavier, tjello en kitaar. Jannie is dekades reeds ’n hoog aangeskrewe Brel-vertolker en ’n standhoudende eksponent van uitnemendheid in liedkuns, onder andere in Nederlands. Sy eerste vertolkings van Brel sing hy in 1988 in die produksie Van Berlyn tot Bapsfontein saam met Laurika Rauch.

 

Brel speel sedertdien deurgaans ’n rol in aanbiedinge soos De Kleine Man en Jannie en die Tannie saam met Christa Steyn. Sy mees onlangse optrede in ’n Brel-produksie was Brel in Brooklyn in 2010, weer saam met Laurika, met Christa by die klavier en Sergio Zampolli as akkordeonis. Veral twee Nederlandse Brel-liedere – Madeleine en Liefde van later –  vestig hom vroeg in die negentigerjare as Brel-vertolker, maar sy latere Franse weergawes van La Valse en Il Neige sur Liège kry ook hoë lof van kenners. Naòmi Morgan se Afrikaanse vertalings, wat uiters gunstig vergelyk met vertalings in ander tale, verteenwoordig ’n verrassende nuwe blik op Brel se tekste.

 

Bekende treffers is natuurlik op die spyskaart, maar ook van sy meer onbekende, ewe briljante werk.

 

Brel se geniale beeldende skryfwerk kom in die vertoning na vore en is soos die werke van klassieke komponiste en die wêreld se opera’s, helaas soos alle groot kuns, tydloos. Brel se liedkuns sal nog vir ’n lang tyd telkens weer nuut geïnterpreteer en beluister word. In hierdie program kom sy genialiteit ewe sterk na vore in al vier tale – ’n getuigskrif vir die ongeëwenaarde seggingskrag van die grootste chansonnier van die 20ste eeu.

Kunstefees in die Kleine Stellenbosch.jpg

Jannie du Toit
Kunstefees in die Kleine

Die pakket sluit die

volgende 3 vertonings in:

8 - 10 Desember 2021

• Bonjour Monsieur Brel

• Die Maan deur ’n gaatjie in die nag

• beSTEMmings

Kom geniet ‘n kunstefees in die kleine saam met Jannie du Toit by Drostdy Teater hierdie Augustus! Bespreek ‘n kaartjie vir jou gunsteling vertoning of koop ‘n pakket wat al drie vertonings insluit om heerlik saam met ons te kuier voor die kaggel met goeie musiek, geselskap en wyn!

 

Daar sal ook elke aand ‘n wynproe aangebied word deur Ken Forrester, wat by die kaartjieprys ingesluit is.

 

Moenie uitmis op hierdie gesellige Winterfees saam met ons nie!  

Screenshot 2021-07-07 at 15.19.46.png

Die Maan deur
’n gaatjie in die nag

Jannie, Chanie Jonker, Annelie du Plessis-Hoberg

9 Desember  2021 - 19:00

Upstage Lounge

Daar word ook ‘n wynproe aangebied deur Ken Forrester, wat by die kaartjieprys ingesluit is.

 

Die maan deur ’n gaatjie in die nag – Jannie du Toit sing Marie Tredoux se liedjies

Chanie Jonker (klavier en akkordeon) en Annelie du Plessis-Hoberg (fluit)

Marie Tredoux – ’n legende op Jacobsbaai aan die Weskus en ’n jarelange vriendin van Jannie – word in September 2021 twee-en-negentig en sy maak steeds liedjies.  Sy skryf oor dinge wat die hart raak, oor die juweel en prentjiemooi Jacobsbaai, oor vriendskapsbande en oor die mense van die Weskus.  So onopgesmuk soos Marie self is, so is haar liedjies ook en sy het juwele in die hoogste tradisie van die kleinkuns geskep.

 

Een van haar eie tekste – Jacobsbaai se Aandlied – is in die nuwe FAK Sangbundel opgeneem. Haar “Mis oor Jacobsbaai” is in die vroeë tagtigerjare deur Laurika Rauch opgeneem en haar toonsetting van haar man – oom Nic – se teks “ ‘n Regte ou Kaapse reën” is deur die befaamde musikus, Dirkie de Villiers, verwerk en is al dekades lank ’n gunsteling by kore in Suid-Afrika. Marie se liedjies herinner aan die emosionele klanke van ’n Nederlandse seemanslied, ’n Paryse straatkafee of ’n kabaretlied in die beste Europese tradisie. 

 

Die bindingsteks vir hierdie program is geskryf deur Dana Snyman, inwoner van Jacobsbaai en goeie vriend van Marie.

Kunstefees in die Kleine Stellenbosch.jpg

Die Weduwee se sjampanje

Vrydag, 25 Maart 2022 - 19:00

Boutique Teater

Die Weduwee se Sjampanje Multi-bekroonde aktrise, skrywer, regisseur, vervaardiger en tv aanbieder en persoonlikheid - Lizz Meiring, bring na ses jaar se navorsing, aan gehore 'n viering en sjampanje verhaal soos min.

 

Die Weduwee se Sjampanje is 'n uiters vermaaklike, unieke en informatiewe storie van die ware weduwee (Veuve) Cliquot wat in die 1800's in Frankryk rewolusionêre metodes ontwikkel het om Sjampanje en wynmaak vir ewig, wêreldwyd te verander . Vreemd genoeg is haar uitsonderlike verhaal nog nooit vertel op tv, film of teaterverhoë nie . Die produksie is letterlik 'n wêreld eerste. Lizz speel die fassinerende karakter van die Weduwee Cliquot wat haar lewens verhaal herleef - dis propvol interessanthede oor die vrou, haar werk, haar lewe en haar era. Voeg 'n glas of twee, heerlike sjampanje by - et voila (siedaar) soos die Franse sou sê - heerlike, diepsinnige en slim, en by tye vrolike en hartstogtelike vermaak soos min!

4_Clicquot Shoot_JoeStrydom_edited.jpg